Conocido musico Nando Browne a fayece repentinamente

Nando Browne di Impak a fayece repentinamente

Diabierna mainta a drenta e noticia cu e popular cantante Nando Browne a fayece na Corsow.

Nando Browne tin un trajecto largo na Aruba unda el’a carga e banda Impak Band.

Den su tempo el’a presenta hopi cancionnan cu te awe a keda pega den comunidad.

Un di su cancionnan cu a pega duro den carnaval tabata “Machike Mangu” y asina tin hopi otronan mas.

Durante su trabao na un hotel na Corsow,  el’a anuncia cu e ta sinti malo.  A sugeri’e pe bay hospital pero ela opta di pasa un truck y dje sigui pa cas.

Na cas ela informa su pareha cu e ta sinti poco dolor,  pero e lo bay sosega y drumi.

Algun rato despues di 1or di marduga e lo a haya un atake di curazon.  A bati alarma y ela haya ayudo medico, pero envano.   Nando Browne a fayece.

Nando  segun nos,  su edad ta bao di 40 anja,  pues un edad relativamente hoben.

Pa casualidad Freddy Vos tabata tey tambe na Curacao y a acudi mesora pa asina por a brinda tur su ayudo.

SOLO ta manda condolencia na su famianan,  su pareha,  na Freddy Vos y na su amigonan na Aruba,  manera Markey Maduro y demas musiconan.  Boso a perde un colega!

Leave a Reply

Your email address will not be published. Required fields are marked *

*