CONFIRMA! MAS DETENCION DE CASO PAUL CROES

GIOVANNI CAPRILES DETENI PA SOSECHO DI COMPLICE DEN SOBORNA MINISTER Y LABAMENTO DI PLACA DI ONTHEFFING DEN FUNDACION DI PAUL CROES………
Ministerio Publico a confirma SOLO DI PUEBLO, cu enberdad awe mainta 5.30am, autoridad a lanta un otro empleado di oficina di Minister Paul Croes. NO TA UN CHOFER manera ta circulando, pero ta trata di un di su consehero principal, homber di confiansa, cu alaves ta hinca den un fundacion di Paul, di inicial EGC, kende ta wordo sospecha di complice den soborno di Minister Paul Croes como tambe labamento di placa den un fundacion cu ta pertenece na Paul Croes.

Segun otro fuentenan, ta trata di sumanan hopi grandi cu tabata wordo recauda pe fundacion y esaki tabata wordo logra via soborno, ora cu Minister ta firma ontheffing, pa su propio fundacion haya checknan di miles y miles di florin. No ta descarta cu tin miras riba mas actividadnan politico di Paul Croes y e fluho di placa.

E nomber di e persona segun nos por haya extra oficial, ta trata di Esmero, Giovanni Capriles, un persona cu a funcciona hopi cerca di Paul Croes, tanto como consehero y vocero, pr, y tambe ta hinca den fundacion di Paul Croes.

E fundacion di Paul Croes ta: Stichting for Leadership & Excelence! Un stichting pa genera fondo pa campanja di Paul Croes! Sinembargo, e recuadacion di fondo tabata bay a base di BENDE ONTHEFFING.

Es decir, cu awendia Paul Croes y AVP ta core campanja, ta cu fondo di soborno, caps di sobrono, t shirt di soborono, palo di bandera di soborno y bandera di soborno y tur cos riba actonan castigabel pa nos leynan. Por lo menos esey te sospecho.

Desde 2 siman pasa, Paul a declara cu e ta tuma retiro! Ya a pasa dos siman y net nada! E ta prefera pa subi caya y bay lanta bandera di corupcion y soborno. Un minister sin cartera, campanjando, anto cu un nubia mas preto cu petrolio di Trinidad riba su cabes, esta e petrolio cu a bin pega riba nos barancanan.

Paul Croes awor no por nenga mas, cu e no tabata na altura, con ela wordo soborna pa haya placa pa core campanja.

Leave a Reply

Your email address will not be published. Required fields are marked *

*