Featured Video Play Icon

City Inspector a pidi comerciantenan Neme y Gianni’s pa move nan container for di tereno di Gobierno

Pa basta anja tin algun container staciona poco patras  di Wendy’s na Palmbeach,  riba un tereno cu supuestamente Gobierno lo a duna na algun comerciante.  Departamento di City Inspector a bay verifica e situacion debi cu e vista tabata crea un mahos bista den cara di turista.  Poco pilar mei mei di e tereno y tur rond di dje hopi containernan bieuw.  Despues di un buskeda grandi a bin haya e dos donjonan cual a pidi nan pa move nan container pasobra e tereno nunca  a wordo traspasa pa nan y como tal e tereno ta di gobierno y ta causando un mahos bista.

Ambos donjo di containernan staciona riba e tereno a compronde e situacion y a pidi City Inspector mes pa encarga nan mes pa move e containernan aki.

City Inspector ta manda un mensahe pa tur hende cu tin material of equipo poni riba tereno di Gobierno pa laga kita esakinan, pasobra nan ta haciendo control intensivo den e dianan aki riba e aspecto aki.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.