Cifranan di Lotto ta mustra irregularidadnan y posibel robo

Informacion nobo cu a yega na nos redaccion ta mustra riba e hecho cu tin irregularidadnan grandi den Lotto.

Documentonan cu nos por a repasa ayera ta mustra te hasta riba posibel fraude, corupcion y ladronicia di fondonan di Lotto dor di Distefano Wernet.

Manera ta bon conoci, Sr. Wernet tin un problema di alcoholismo y pues ta un adicto na alcohol.

Cuentanan di Lotto ta wordo usa pa paga fiestamento den barnan Chines rond Aruba.

Repasando cifranan y buki di anja 2014,  por constata cu tur dia o tur siman Sr. Wernet ta tene tur sorto di reunion den barnan Chines sin ningun limite.  Paranda mes tabatin y Lotto tabata wordo maneha di barnan Chines!

Tur ta wordo paga cu placa di Lotto pa Deporte, segun e bukinan cu nos redaccion por a repasa ayera.

Mas pio ta cu su persona tin un salario,  pero den banda e ta hasi jobs di accounting pa Lotto unda tur sinan e tabata lanta 5000 florin bao di descripcion di “conseho”.

E opnamesnan di Wernet a bira hopi opvallend,  unda tur siman e ta lanta placa y tin luna cu ela cobra 50 mil florin!

Esaki no ta mustra algo corecto pero mas bien ta mustra un estafa y robo di placa pasobra ja caba Lotto ta pagando empleadonan interno y compania di accountant.

Pues e placa di Wernet no tin hustificacion!

Aparte di fiesta den Chines por mira tur sorto di gasto cu ta core riba cuenta di Lotto!

Wernet na 2017 a perde su titulo di Register Accounantant y ela wordo royeer di e registro di NIVRA.

Esaki ta mustra peor ainda, pasobra ta algo serio mester a sosode pe wordo royeer.

Nos ta repasando e cifranan cu nos a ricibi y na su debido momento lo pone e accounting conpleto di Lotto online pa pueblo mes por analisa, mira, y haya sa con e personanan aki a anda cu e placa!    Tur cos ta mustra den un fiestamento, hortamento, abusando di placa di cada deportista.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.