Chofer di Dowers, Hairo Loefstop deteni pa interogacion pa postnan baho riba facebook

E chofer y campañador di ex Minister Arthur Dowers (AVP) recientemente a wordo cita pa interogacion den un caso unda el’a bira sospechoso di post fotonan baho y vil contra hende muher.

Fuentenan bon na altura a segura nos portal,  cu un keho a keda entrega dor di Sr. Nelson Oduber y su esposa Sra. Glenda Oduber (mama y tata di Minsiter Dangui Oduber MEP) riba un potret hopi baho y vil cu a keda publica, unda a pone imagen desnudo di hende homber, pero tambe a insinua cu Sra. Glenda Oduber lo drenta bestuur di Airport pa cobra 14 mil florin pa luna,  cual ta totalmente falso.

Unaves cu e keho a keda entrega na polis, nos a bin compronde cu polis a haci un trabao mesora y a pone man riba un persona di Paradera,  Hairo Loefstop.   Hairo Loefstop tabata chofer di ex minitster Dowers y campañador cual den temporada di campaña tabata manda tur dia postnan insultativo riba facebook.

Esaki no ta prome keho contra di Hairo Loefstop, pasobra na luna di Mei 2017 tambe tin otro keho cu a keda entrega cual tanto landrecherche y Ministerio Publico a hinca den lachi.

Durante di interogacion, Hairo Loefstop a accepta su culpabilidad di a traha e caricatura ofensivo aki y  e motibo cu el’a duna cu el’a traha e post baho y vil contra Sra. Glenda Oduber, ta pa “pret”.   Su atencion a wordo hala debidamente riba su comportacion contra di ser femenina y a mustre cu e denuncia aki lo sigui su curso cual lo bay pa un caso penal, pero mas leeuw lo bini tambe un caso civil di “daño y perhuicio”, esta schade ocaciona cual lo por alcansa un suma di 100 mil florin.

Aparentamente Hairo Loefstop a wordo nombra na e departamento di casino controleur dor di ex- minister Dowers, algun dia prome cu Dowers a bandona Gobierno, sin cu nunca el’a presenta na trabao.

Sr. Nelson Oduber no a para ningun momento keto pa denuncia e post baho y vil aki y a busca caminda di husticia pa asina pone un paro e politica baho y sushi aki.

Di igual manera nos por a mira tambe con un dama cu a yama radio pa menasa Prome Minsiter Evelyn Wever Croes cu morto, tambe a wordo deteni, a wordo interoga, a wordo mustra riba e consequencia penal y despues a wordo laga den libertdad enespera pa su caso wordo hiba dilanti di corte.  E senjora cu a yama radio, tambe lo mester confronta un caso den corte unda e lo por haya 4 aña di prison.

Politica no ta limpi!  Pero tampoco mester degrada dje baho aki pa un grupo cu ta hopi rabia cu nan a perde poder, por calumnia, instiga pueblo den un forma free for all.

Awor ta di spera cu otro politiconan cu tambe a haya caricaturanan baho, tambe por tuma e caminda di polis pa asina laga husticia pone un paro for once an for all na e lastramento baho y vil.

 

Leave a Reply

Your email address will not be published. Required fields are marked *

*