Chevrolet maneha pa un chauffeur burachi a causa accidente na Sero Pita

Sero Pita – Diasabra anochi algo prome cu 10’or, un accidente cu basta daño material a sosode pazuid di crusada di Sero Pita. Loke a tambe a wordo informa, tawata cu tin hende herida.

Na yegada di polis di trafico e ta constata cu un di e chauffeurnan a keda den e auto. Ora cu ela bay mira e chauffeur di e Chevrolet, esaki tawata “drumi”, y for di paden di e auto por a haya un holor fuerte di alcohol.
 
Polis a trata tur manera pa lanta e homber, pero sin ningun resultado.
A pidi transportwagen pa si nan logra lante, e wordo deteni.
 
Loke a sosode
E chauffeur di e Chevrolet, tawata bayendo zuid y door cu e tawata burachi ela hala na su man robes.
Net momento cu e Nissan March tawata bayendo direccion nort.
E ta dal contra e Nissan March y sigui bay zuid pega den un mondi, pariba di caminda.
 
Na yegada di ambulance, e personal a pasa un poco trabou tambe pa convence e homber pa lanta y sali di e auto.
 
Despues di basta papiamento e homber a lanta y sali di e auto. Ela wordo poni ariba cama y hinca den ambulance caminda elo mester a wordo atendi.

 

Leave a Reply

Your email address will not be published. Required fields are marked *

*