Chevrolet Aveo a drenta den Megastone Food Mart

Piedra Plat – Diahuebs mainta pa mas o menos 8:35 polis a bay e supermercado yama Mega stone, na Piedra Plat.
Motibo tawata cu un auto a drenta e negoshi.

Na yegada nan ta haya un Chevrolet Aveo color shinishi, hinca den e luga.
Mas cu claro, basta daƱo material. Menos mal no tawata tin hende herida.

Loke nos a compronde na e sitio tawata cu, e dama su pia aparentemente lo a pega entre brake y gasolin causando cu e auto a bay drenta e luga.

Unda e auto a drenta tawata e seccion di alcohol, kibrando bastante boter. Esaki sin conta e glas grandi e edificio.

E dama tawata hopi spanta di loke a pasa.
Departamento di trafico a wordo pidi na e sitio.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.