Chaufffeur di un van ta subi rotonde Sasaki y ta bay pega den un seroe di santo

Sasaki: Diasabra den oranan di madruga polis ta haya un informe cu na altura di rotonde Sasaki tin un accidente, mesora ta manda polis y ambulance na e sitio.

Na yegada polis ta bin compronde cu ta trata di un accidente caminda cu e chauffeur di un van a subi e rotonde y a bay pega den un seroe di santo.

E chaufeur aparentemente pa falta di illuminacion y indicacionnan, no a ripara cu e tabata acercando e rotonde y a subi esaki.

E impacto fuerte a laga un ocupante herida, ambulance a presenta na e sitio y a atende e victima na e sitio mes, mientras a pidi pa un takelwagen pa saca e van for di e seroe di santo cu e tabata pega aden.

Esaki no ta e unico auto cu a accidenta e siman aki na e rotonde Sasaki, tin varios auto cu a subi e rotonde caba, aparentemente ta pa falta di mihor iluminacion y borchinan indicando cu nan ta acercando e rotonde y cu nan mester baha velocidad.

Chauffeurnan mester pone bon atencion ora cu tin camibio di ruta, especialmente riba Sasaki, unda cu actualmente nan ta bay construi un rotonde na altura di Superfood, mientras e construcion ta andando lo ta bay tin diferente cambionan di ruta y asina evita lo peor. Normalmente DOW ta manda publica cambionan di ruta, pa asina chauffeurnan pone bon tino riba caminda unda tin cambionan.

Leave a Reply

Your email address will not be published. Required fields are marked *

*