Chauffeur ta pega soño y ta bolter cu su auto na Catiri

Catiri: Diasabra pa mas o menos 3’or di marduga, polis, ambulance y materialwagen ta bay cu urgencia na Catiri pa un auto cu a bolter y cu hende herida.

Na yegada nan ta bin compronde cu e auto, un Hyundai Creta blanco maneha pa un dama tabata bayendo direccion zuid y na dado momento e chaufeur lo a pega soño tras di stuur y a hala na su man drechi, baha for di caminda dal contra un baranca y bolter. Probablemente alcohol lo por a hunga un rol den e accidente aki.

Mesora despues di e impacto huma a cuminsa sali for di e auto y pa e motibo ey a pidi pa presencia di brandweer y tambe no tabata conoci si e dos damanan lo por tabata pega den e auto.

Personal di ambulance a trata ambos victima na e sitio y despues a transportanan cu urgencia pa hospital. E caminda a keda pa basta rato cera te ora cu takelwagen a yega na e sitio y a hala e auto for di riba caminda.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.