Chauffeur ta pega soño tras di stuur, ta dal contra un drempel memey caminda y ta bolter

De La Sallestraat, Oranjestad; Diadomingo pa mas o menos 7’or y mey, polis, ambulance y brandweer ta wordo manda cu urgencia den De La Sallestraat pa un auto cu a bolter y na prome instancia tabata papia cu lo tin un persona pega den e auto.

Na yegada di e prome patruya nan a bin compronde cu no tin niun persona herida, y cu e chauffeur di e Ford Escape, lo a pega soño tras di stuur, a bay dal contra e drempel cu tin memey caminda y despues di a dal contra un otro auto a bolter.

Den e auto tabata tin tres otro persona mas, cu despues cu e auto a bolter, nan a sali bay for di e sitio. Segun e chauffeur nan tur tres ta bon, nan no ta herida.

Brandweer y ambulance tambe a bay na e sitio, e caminda a keda cera pa trafico te ora cu a logra hala e auto for di caminda.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.