Chauffeur ta dal cu su auto contra un trekker staciona canto di caminda

Dakota, Mispelstraat: Diadomingo pa mas o menos 6 or di mainta, un patruya di Oranjestad ta wordo manda den Mispelstraat pa un accident cu un persona herida.

Na yegada nan ta bin topa cu un Nissan Tiida A 46225, color oro cu hopi daño material y e chauffeur di e auto cu un kap basta profundo na su cabes, tambe e tabata keha di dolor na su curpa. Mesora polis a pidi pa presencia di Ambulance despues cu personal di ambulance a trat’e na e sitio a transport’e pa hospital

E dama tras di stuur pa un motibo of otro lo a perde control y a bay dal contra un trekker cu tabata staciona canto di caminda.

E chauffeur no tabata tin rijbewijs y e auto su papelnan no tabata na ordo, polis a pidi takelwagen pa buska e auto.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.