Chauffeur no por a controla e velocidad di su auto na tempo y ta dal contra e muraya di e rotonde

Pos Chikito: Diadomingo algo prome cu 2’or y mey di marduga, polis ta wordo pidi cu urgencia na altura di e rotonde Pos Chikito, pa un accidente den cual un auto a dal contra e muraya di e rotonde y a benta un parti grandi di esaki abou.

Na yegada nan ta papia cu e chauffeur di e Nissan Silvia, kende ta splica polis cu e tabata biniendo di pabou y na momento cu e ta acercando e rotonde, aparentemente e brake di e auto lo a faya y e no por a controla e velocidad di e auto mas, ela trata na maniobra pero a dal contra e muraya bandi pazuid di e rotonde.

E impacto tabata hopi fuerte cu varios pida blokie a keda benta riba caminda y tambe e auto a haya hopi daño material

E chauffeur no tabata herida, pero mirando cu e dama ocupante despues di e impacto fuerte aki a keda den shock, a pidi pa presencia di ambulance, despues cu personal di ambulance a trata e dama na e sitio, nan a transporte pa hospital.

Leave a Reply

Your email address will not be published. Required fields are marked *

*