Chauffeur di un Suzuki Swift ta ranca palo di lus completo, benta riba caminda

Santa Cruz: Diasabra marduga pa motibo di awacero ta sosode un accidente cu hende herida riba e caminda di Santa Cruz, un poco mas pabou di e bocht di Santa Cruz. Mesora a pidi pa presencia di Polis y tambe di ambulance.

Na yegada e patruya ta bin topa cu un palo di lus y varios waya benta riba caminda, algun waya di coriente ainda tabata spart coriente. Na e sitio nan ta bin compronde cu e chauffeur di e Suzuki Swift a slip cu su auto riba e caminda muha y a bay dal contra un palo di lus y bentando esaki riba caminda. Mesora a pone Elmar na altura di esaki.

Despues cu personal di ambulance a trata e victima na e sitio, a transporte pa hospital.

Leave a Reply

Your email address will not be published. Required fields are marked *

*