Chauffeur di Nissan a bira malo y bay dal contra un Jeep Wrangler

Yuwana Morto – Diamars anochi pa mas o menos 10:35 polis a wordo pidi na Yuwana Morto pa un accidente cu hende herida.

Ariba e caminda di tera, polis ta haya dos auto pega contra otro.
 
Tawata trata di un Jeep Wrangler y un Nissan Primera.
Segun nos a compronde na e sitio, e Jeep bayendo zuid ta haye confronta cu e Nissan biniendo nort cu velocidad halto.
 
E chauffeur di e Jeep a trata na haci tur loke ta posibel pa evita e un boksmento frontal.
Asina mes e Nissan a dal e den banda, mandando e Jeep den mondi.
 
Chauffeur di Nissan Primera
E chauffeur di e Nissan Almera despues di e impacto no tawata sa unda e ta y tawata papia masha poco.
A pensa cu e lo por tawata bou influencia.
 
Despues ora personal di ambulance a yega a bin saca afo cu e chauffeur ta un Dialyse pashent, y lo a bira malo tras di stuur.
E no tawata sa unda e ta y posiblemente ni kiko a pasa.
 
Personal di ambulance atento mes ora a prepara y a sali cune direccion hospitaal.
Familiarnan a logra avisanan y nan lo a keda di bin na e sitio.
 
Ambos auto mester a wordo movi cu takelwagen.
 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.