Chauffeur di Honda CRV ta accidenta na Turbo Rotonde, ela wordo hiba Hospitaal despues

L.G.Smith Boulevard – Diadomingo marduga polis a bay na e rotonde banda di Wendy’s Boulevard, caminda lo tin un accidente cu hende herida.
Na e sitio nan a topa cu un Honda CRV, cu a bay dal un mata di Kwihi.

Polis a compronde cu e Honda aki lo tawata bayendo direccion nort, pero posiblemente velocidad halto lo a pone cu ela perde control.
Parse cu e chauffeur a haci varios maniobra, pero asina mes no por a controla e auto.

Tin di bisa cu e impacto tawata uno basta duro, caminda e chauffeur a dal su pecho contro e stuurwiel.
Na yegada di ambulance e personal hibe Hospitaal.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.