Chauffeur coriendo duro, a bolter cu pick up

Saliña – Diamars mainta den careda di 6:40 polis ta topa cu un pick up gebolter, altura di e dam di Moko.
Tawata trata di un pick up color cora, polisnan a busca rond y no ta topa cu e chauffeur.

Segun e agentenan por a saca afo e momento ey ta cu, e chauffeur posiblemente tawata core cu velocidad halto y lo a dal e auto ariba un sero di santo causando cu e pick up a bolter.

Algun rato cu e agentenan ta na e sitio, e chauffeur a yega y a bisanan cu un cacho lo a crusa su dilanti y esaki a pone perde control y bolter.
Agentenan no a kere e storia mucho.
Aunke e chauffeur tawata tin rascanan na curpa y hasta posiblemente a haya golpi, e no tawata desea atencion medico.

Leave a Reply

Your email address will not be published. Required fields are marked *

*