Chauffeur burachi ta causa accidente cu hopi daño material na Santa Cruz

Santa Cruz – Diasabra atardi den careda di 6:35 un accidente cu bastante daño material y hende herida a sosode na Santa Cruz.

Na yegada di polis nan ta topa cu un pick up Toyota y un un Hyundai Accent. Chauffeur di e Accent tawata keha di dolor na pecho.
Na e sitio nos a compronde cu e chauffeur di e pick up a bay completamente na su man robes y dal contra e Hyundai Accent bayendo nort.

E impacto tawata asina duro cu ela manda e Accent patras bek.
Polis a detene e chauffeur di e pick up mes ora, cu tawata hopi burachi.
Asina bebi cu ela “susha” su mes posiblemente ora ela accidenta.

Ambulance a presenta na e sitio y a trata e persona cu tawata keha dolor den pecho.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.