Chauffeur bou influencia ta pega soño tras di stuur na Pos Abou, causando un accidente

Pos Abou – Dialuna marduga den careda di 2:45, polis ta bay Pos Abou pa un auto cu lo dal un palo di luz. E momento ey a papia tambe di persona herida

Na e sitio polis ta wordo bisa cu e chauffeur di e Hyundai Getz, lo a pega soño tras di stuur. Despues a baha caminda na su man drechi dal e contra e palo di luz, caminda un parti di e auto a keda colga den e greppel.

E chauffeur mes tawata levemente herida y a pidi ambulance.
Na e sitio agentenan a lage supla y ta constata cu e cabayero ta bou influencia.

Ambulance a yega y a trata cu ne. Elmar tambe a wordo pidi na e sitio mirando cu wayanan tabata colga ariba caminda, mirando cu e palo di luz a kibra.

Leave a Reply

Your email address will not be published. Required fields are marked *

*