Chauffeur bou influencia ta causa boksmento na Noord

Noord: Diasabra den oranan di madruga patruya di Noord ta wordo manda na altura di lusnan di trafico na Noord pa un boksmento.

Na yegada nan ta bin compronde cu un Toyota Corolla maneha pa un homber cu tabata basha bou influencia no a calcula bon con pa bira y lo a tuma e bocht di pabou pa bay direccion pazuid mucho grandi y a pasa dal contra un Hyundai I10, cu tabata para den e lusnan di trafico pa bay direccion pabou. Ora e chauffeur di e Toyota Corolla lo a ripara cu elo a pasa dal contra e auto, ela reverse y a dal un biaha mas contra e Hyundai I10.

E polisnan na e sitio a ripara cu e chauffeur tabata basta bou influencia y a didici di detene pa asina e bay warda di polis pa haci un test di Alcohol.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.