Chalgut ta para’riba cu e ta inocente, siendo a haya su DNA tur caminda den e cas riba mas di 10 obheto

Diabierna mainta a tuma lugar e caso di asesinato na De Vuyst, unda e unico sospechoso kende ta e homber Chalgut a wordo treci dilanti. Fiscal a pidi un castigo di bida largo pa Chalgut, considerando cu e ta un persona cu ya tabatin contacto cu husticia, tambe considerando cu e no tin remordimiento, no kier asumi responsabilidad, tabata un caso impactante pa comunidad,  y cu segun varios rapport di instancianan ta mustra cu e chens ta grandi cu por bolbe comete un crimen asina.  Diparti Chalgut, e ta para’riba cu e ta inocente!

A haya DNA di Chalgut tur caminda:

Un di e detayesnan cu a keda releva den e caso ta cu a haya DNA di Chalgut riba mas cu 10 diferente obheto den e cas y den e kambernan di e cas.

A haya DNA bao di 4 dede di victima, duim, wijs vinger, midden vinger y ring vinger. Tambe a haya DNA tur caminda den e cas,  Riba saco, feter, waya, tape ne pia, tape ne pols, tape ne cara, riba saco di sushi y hasta riba e punta di un roll di tape transparent nobo,  cual a haye bao di e cama di baby riba un serbete.

Den e caso a bini dilanti cu e acusado a usa tur tres kamber di e cas durante e proceso. Finalmente ela laga e victima den kamber mei mei riba un laken blauw. El’a lastre riba laken for di un kamber pa un otro kamber.

Dia 28 September huez lo dicta sentencia den e caso aki.

 

Leave a Reply

Your email address will not be published. Required fields are marked *

*