Caso straño di atraco na Sabana Basora

Sabana Basora – Diahuebs anochi polis ta wordo informa di un caso di atraco, na altura di ex Juleny’s. Segun informacion e momento ey, lo tawata trata di un Toyota Yaris style biew, color cora.

Den e auto lo tawata tin tres persona, caminda cu un di nan lo tawata tin un arma di candela den su poder.
Mes ora cu e notici a drenta, polisnan ariba caya a cuminsa tira bista.

Mientrastanto patruya di San Nicolas a bay unda antes tawata Juleny’s, pero no ta haya niun persona.

Atraco team

Manera semper ta pasa ora di un atraco, e atraco team ta wordo notifica.
E biaha aki e caso a bay diferente, despues di varios intento pa comunica cu e victima, esaki no a logra.

Pues posiblemente loke a pasa ta algo “otro” y no directamente un atraco. Si tawata un atraco di berdad, e victima lo a actua normal y papia cu autoridad.

Leave a Reply

Your email address will not be published. Required fields are marked *

*