Candela tras di restaurant Peruano, cendi door di adictonan

Ponton – Diadomingo marduga pa mas o menos 2:36 polis y brandweer a bay un restaurant di Peruano situa panort di rotonde di Ponton esta Caya Ernesto Petronia, caminda por a wak candela ta sali.

Por a wak cu e candela tawata na e parti patras di e luga. Mes ora brandweer a bay den accion, pa wak e origen y di e manera eynan combati e candela.

Na banda di e restaurant of ta patras ta conoci cu sa huur apartamento, pero aparentemente lo no tawata tin niun hende e ora. Brandweer a logra saca algun tanki di gas, pa asina evita cualkier eventualidad.

E candela segun nos a compronde lo a wordo cendi door di algun adicto, cu ta den e area eynan mirando cu tin un cantidad grandi di apartamentonan bashi y tambe si e doño no actua lihe esaki lo por bira un luga caminda cu e adictonan lo kibra y bay biba den dje.

Niun persona a resulta herida y Brandweer a paga e candela lihe.

Leave a Reply

Your email address will not be published. Required fields are marked *

*