CAFT a duna un contesta postivo riba presupuesto 2019

Prome minister Evelyn Wever-Croes:

CAFT a duna un contesta postivo riba presupuesto 2019

Gobierno a entrega presupuesto 2019 algun siman pasa. E momento eynan a bay pa CAFT, pasobra segun proceduranan palabra, CAFT mester duna su conseho.

A pidi CAFT na e momento ey, mirando cu CAFT no tin un base legal pa controla e presupuesto di 2019, CAFT su autorisacion legal ta te cu 2018.

A manda un carta y a pidi den un carta pa nan toch controla e presupuesto y duna nan conseho. A haci esaki, pasobra tabata den negociacion cu Hulanda riba e protocol.

Asina mes ta importante pa actua segun e espirito den loke ta acordando. CAFT a duna e ora un contesta riba e presupuesto positivo. Awor aki a haci algun pregunta adicional cual ta den proceso pa contesta.

E conseho ta wordo publica dia 23 di October, segun ley e ta keda tres siman pa bo por contest’e. Den liñanan general, e ta bisa algun cos.

E prome cos cu e ta bisa ta, cu nan ta mira cu gobierno den un forma cauteloso ta proyecta crecemento economico.

Gobierno ta tene cuenta di un crecemento di un porciento so pa 2019, mescos pa 2018. Esey ta segun cifranan di Banco Central.

Ta cifranan cu por ta por sali mas halto den curso di otro aña, pero pa awor aki pa ta cauteloso ta want’e na uno.

Esey nan a aprecia y nan a comenta positivamente riba esey, cu Gobierno ta cauteloso y no a bay sinta riba porcentahenan hopi mas halto, hinca e refineria den dje, siendo cu no sa cu e refineria no lo habri.

Un porciento di crecemento economico ta tene cuenta cun’e y turismo su so ta take care caba den un porciento. Esey ta un punto cu nan a haya hopi positivo.

E di dos punto positivo cu nan a haya ta cu nan ta mira cu gobierno a cumpli cu e palabracionnan cu ta haciendo cu Hulanda, di un deficit di 25 miyon florin otro aña, cual ta 0.5% di e GDP.

Esey tambe nan ta yega na e conclusion cu e ta un presupuesto realistico y basa riba palabracionnan haci.

Eseynan ta algun punto cu no a mira den un rapport di CAFT pa hopi tempo. Nan tin preocupacionnan cu nan ta expresa. Ta preocupacionnan riba e gastonan cu nan ta bisa cu nan kier mira gasto di personal baha mas.

A bisa nan cu ta te eynan por yega y no por bay mas leu. Pero si a mustra cu gobierno ta domina e gastonan ey.

Tin cu agrega cu e ta algo sumamente positivo, gobierno ta considera.

Kico ta e siguiente pasonan

Ta dunanan poco mas informacion, pero nan trabao pa awo ta cla. Ta bay pa Raad van Advies cu tin cu duna un conseho ainda riba e presupuesto.

Despues e ta bay pa parlamento y parlamento por haci cambio. Ora cu parlamento haci cambio e ta bay bek CAFT pa mira si e cambionan cu ta wordo haci na caminda ainda, ta keda pas den e cuadro aki.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.