Bubbly Brunch

PRESS RELEASE

FOR IMMEDIATE RELEASE

Bubbly Brunch

Oranjestad, Aruba – Recientemente durante un mainta sumamente ameno na Tierra del Sol, Kiwanis Club of Young Professionals Aruba a organisa nos prome “Bubbly Brunch”. E evento aki tabata uno cu pa prome biaha cu nos club ta organisa, y cu a mustra di ta hopi gusta. Tur esnan cu a atende e evento riba e diadomingo mainta por a combersa y network mientras cu ta disfruta di e tremendo servicio y cuminda di Tierra del Sol.

E parti mas importante di e evento aki, ta cu cada un persona cu a atende, por ta sigur cu su gran contribucion lo bay bek pa yuda muchanan den nos comunidad. Gradicido tambe na Tiera del Sol cu a brinda un tremendo servicio y a percura pa hinka un tremendo menu den otro pa cada un presente por a disfruta di dje.

Na final di e brunch tambe tur presente por a gosa di un poko muziek presenta pa Live Expressions, cual sigur a deleita un y tur.

Nos ta sumamente contento pa tur e personanan cu a contribui na un bunita causa. Esaki tabata nos prome brunch, mirando e exito, sigur e lo no ta e ultimo, keda pendiente!

Pa finalisa KYPA kier gradici Hyatt Aruba Regency Resort & Casino, Renaissance Aruba Resort & Casino, Indulgence by the Sea, Cas di Max, Maggy’s Aruba y Kok Optica pa a haci e evento aki possible y duna e oportunidad na tur guest pa por a gana un tremendo doorprize na final di e mainta.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.