Bringamento a start, momento cu tata a bay hala atencion mama di su yiu

Hendrikstraat – Diasabra atardi algo prome cu 5’or, polis a bay Hendrikstraat pa un pelea ariba caya.
Segun informacionnan, un homber lo tawata bringando y tawata tin un criatura teni den su man.

Na yegada, nan a wordo acerca pa un homber. E homber aki tawata esun cu e criatura den su man.

Loke a pasa segun informacion na e sitio, e homber aki a haya informacion cu e mama di su yiu lo tawata cu e mucha aparentemente consumiendo alcohol den un establecimento cerca..

Segun version di e homber, momento cu ela cuminsa reclama e muhe cos a bay for di man.
Lo tawata tin famia of otro amistadnan cu e mama y esakinan tambe lo a lanta contra su persona.

Despues di e problema, e mama di e mucha y algun hende cu tawata cune a bandona e sitio mes ora.
Basa ariba informacion compila na e sitio, polis lo a keda di bay cerca e mama pa tende su version.

Leave a Reply

Your email address will not be published. Required fields are marked *

*