Botter di gas ta rementa lagando habitante cu kemaduranan hopi serio

Papilon:Diahuebs algo pasa di 3’or y cuarto di marduga, patruya di Santa Cruz ta wordo manda cu urgencia na un adres na Papilon, caminda lo a scucha un explosion basta fuerte.

Na yegada e patruya ta topa cu un homber grandi di edad, cu tabata para pafo di un apartamento y tabata gritando  cu su curpa ta kimando. E homber full su curpa tabata tin kemaduranan hopi serio. E patruya na e sitio mesora a pidi pa un  ambulance cu hopi urgencia, mirando con serio e situacion di e homber aki tabata.

Na e sitio a bin compronde cu e homber aki ta biba den un apartamento y den su camber e tabata tin un botter di gas y esaki a rementa.

Den e apartamento tabata tin candela tambe y a pidi pa presencia di brandweer, hopi liher  nan a yega na e sitio y a paga e candela.

Despues cu personal di ambulance a trata e homber na e sitio a transporte cu hopi urgencia pa hospital. Muy probablemente e homber aki lo mester wordo manda Colombia pa tratamento, mirando e kemaduranan fuerte cu ela ricibi.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.