Boto ta dal contra tube cu tawata lastrando pareha turista, na a resulta herida

Palm Beach – Diaranson mainta polis a bay e pier situa entre Riu Palace cu Hilton.

Na e pier, nan lo tawata biniendo aden cu dos persona cu a wordo gedal pa boto.
 
E accidente a pasa ariba lama, aparentmente ta trata di dos boto. Un lo tawata lastrando tube, cu e 2 turistanan ariba dje.
Dado momento un otro boto lo a dal e tube, cu e turistanan ariba dje.
 
Esnan ariba e tube tawata un cabayero y un dama, e cabayero a wordo treci canto cu e boto mes.
Mientras e dama lo a wordo treci canto cu floating bed.
 
Na tera personal di ambulance y tambe polis tawata warda y mes ora a cuminsa yuda ora ambos a yega.
Despues di atende cu nan na e sitio, ambos a wordo hiba Hospitaal.

 

Leave a Reply

Your email address will not be published. Required fields are marked *

*