Bomb squad di polis cu dos asistencia di Bom Melding ariba dia di Himno y Bandera

Palm Beach – Diasabra merdia e bomb squad di cuerpo policial Aruba ta wordo activa, momento cu informacion a drenta relaciona cu un bom.

E sitio tawata lobby di Holiday Inn. Den careda di 2’or di merdia, operator di Holiday Inn ta haya un yamada, di un persona cu ta bisa cu sea ela pone of lo tin un bom den lobby.

Den algun minuut e team special di polis cu trata cu bom a yega e sitio. E area a wordo cera, caminda niun auto por a para y baha hende na e entrada.

Despues di basta rato di controla e area di e lobby e bomb squad no ta bin topa cu e supuesto bom, indicando asina tambe cu tawata trata di un bom melding falso.

Mas cu claro tin un persona tras di e “joke” malo aki y tambe un motibo.

Marriott Hotel mas anochi

Den careda di 9:30 polis ta bolbe wordo notifica di un otro incidente similar. Marriot Hotel tambe a haya un menasa di bom. Bomb Squad di cuerpo policial mester a bolbe wordo notifica. Un biaha mas nan no ta haya nada.

E caso aki ta mustra den direccion cu cierto hende of hendenan ta bezig ta “purbando algo” y no ta mustra cu ta algo bon. Nos no ta duda cu autoridad lo tin debido atencion pa e dos casonan aki.

Leave a Reply

Your email address will not be published. Required fields are marked *

*