Boksmento na Tanki Leendert entre 4 auto. Dos dama a resulta herida

Tanki Leendert – Diadomingo mainta polis a pabou di rotonde Tanki Leendert, pa un boksmento entre 4 auto.

Na yegada tawata tin dos dama kehando di dolor.

E auto envolvi tawata un pick up Isuzu, un Nissan March, un Toyota Rav, y e ultimo ta un Kia Picanto.
Segun nos a compronde na e sitio, e pick up Isuzu no a brake na tempo y debi na esaki ela bay dal tras di Nissan March.

E Nissan na su turno a bay dal e Toyota y esaki na su turno a dal e Kia Picanto.
Chauffeur di e Nissan March y e Toyota Rav a resulta levemente herida.
Ambos dama a wordo trata door di personal di ambulance.

Leave a Reply

Your email address will not be published. Required fields are marked *

*