BO POR ELIMINA FACEBOOK ACCOUNT DI E PROME MANDATARIO DI E PAIS AKI SINEMBARGO BO NO POR ELIMINA E BERDAD CU TA SALI FOR DI DJE!

Prome Minister, mr. Evelyn Wever-Croes:

A “hack” pagina di Facebook di Prome Minister

Awendia, un di e medionan di comunicacion mas liher ta Facebook haciendo esaki esun di mas popular tambe den nos tempo. Cu un cantidad grandi di hende na Aruba cu ta usa facebook, Prome Minister, sra. Evelyn Wever-Croes ta conta cu gran parti di e audiencia aki. Entre su audiencia, ta inclui famia, amistadnan personal como amistadnan di Facebook mes.

Prome Minister no solamente ta usa su Facebook personal pa mantene contacto cu famia y amistadnan, pero tambe e ta mantene e pueblo informa cu loke ta pasando den actualidad na Aruba, siendo e Prome Minister di nos pais.

Prome Minister ta lamenta cu hende cu mal intencion a haci mal uso di nan conocimento pa ‘hack’ su Facebook account y a pone esaki for di alcance pa Prome Minister pero tambe pa pueblo. Den esaki, ta tratando for di ayera caba cu Prome Minister a nota e iregularidad aki pa tuma contacto cu Facebook pa asina logra recobra su pagina di Facebook mas liher posibel. Investigacion di parti di Facebook a wordo pidi tambe pa haya sa e posibilidad tanto pa recobra e pagina como tambe pa sa ken ta esnan cu ta tras di e mal hecho aki.

Prome Minister ta pidi disculpa na su amistadnan di Facebook y door di e medio aki ta aclarea cu si un persona no ta wak Prome Minister su postnan mas, ta pa e motibo cu su Facebook actualmente a wordo desactiva pa esnan cu no tin otro cos di haci sino perhudica e contacto entre Prome Minister y pueblo.

Pero un hecho ta keda, bo por elimina un Facebook account di e prome mandatario di e pais aki sinembargo bo no por elimina e berdad cu ta sali for di dje.

Prome Minister ta sigui informa pueblo via radio, television, corant, Facebook di Gabinete Wever-Croes, Whatsapp, App di Gobierno y nos corant IslaOnline.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.