Bario di De Vyust ta conoce asesinato cruel di e dama Sarahy Sierra di 19 aña

De Vuyst: Diabierna merdia den careda di 1’or y 40, polis ta haya un informe cu na un adres na De Vuyst un damita ta haya su ruman muher di 19 aña cu no tabata dunando señal di bida, benta riba vloer, su boca tabata tapa, mara cu un  saco y un lenso, su mannan y pia tabata mara cu un waya di coriente.

Mesora a manda un patruya, departamento technico di polis y demas autoridadnan concerni na e cas. Na yegada enberdad nan ta topa cu e curpa di e mucha muher, Sarahy Esther De Los Angeles Sierra, naci na Aruba 10 september 1998.

Sarahy ta un hoben cu na bida tabata practica e deporte di Volleyball y ta laga un yiu homber chikito atras.

Dokter Giel a constata morto y fiscal Erades a duna opdracht pa tuma e curpa den beslag. BFTO te ainda ta bezig na dicho cas cu nan investigacion. Cuerpo Policial ta manda su mas profundo condolencia na e famia. Si tin kwalkier informashon jama nos tiplijn 11141 y nos ta garantisa cu bo ta keda anonimo.

Leave a Reply

Your email address will not be published. Required fields are marked *

*