Autoridad ta bon entrena pa ora di tene inval

Por constata cu autoridad local,  teamnan special,  recherche, ta bon entrena ora di haci un inval.   Esaki un bes mas por a constata diaranzon marduga,  ora cu den pleno di ora di marduga, un team grandi ta riba pia, pa asina hunto cu fiscal, drenta cas pa detene sospechoso como tambe pa haci un buskeda den e cas pa e obhetonan cu nan tin sospecho riba dje.  Den e caso di marduga,  autoridad tabata totalmente informa di adelanta, delaster un skina di e cas cu nan ta bay drenta.   Por mira cu mientras cu un unidad ta haci e entrada,  dos otro grupo ya a staciona patras di cas, den cualke scenario sea pa nan drenta of pa nan frena cualke intencion di huida.

E entrada mes a bay hopi rapido y no a tarda mucho cu a bini cu dos persona unda na prome instante a tapa nan cara.

Mas cu claro cu un acto asina ta hopi peligroso, pasobra bo no sa ken bo ta bay topa y ni tampoco con emocion por hunga un rol.  Es decir e operacion mester ta di tal manera,  cu prome cu e personan por “spierta” di sonjo,  ya polis mester ta riba nan, no dunando nan e minuut pa pensa.

Riba su mes, un trabao cu no ta facil, hopi peliger, riesgo, pero e capacidad di nos equiponan local, ta haci cu nan ta haci e trabao cu bon resultado.   

Leave a Reply

Your email address will not be published. Required fields are marked *

*