Auto ta ranca palo di lus altura di Wayaca Falls, un persona a keda herida y chauffeur deteni pa buracheria

Wayaca – Diadomingo mainta algo prome cu 8’or polis y ambulance a bay schuin tegenover di Wayaca Falls, caminda un auto a ranca un palo di lus.
Tambe a wordo bisa cu tin persona herida.

Na yegada di polis ambulance tawata na e sitio tratando e herido.
E auto biniendo di pabou pa un of otro motibo a hala na su man robes y subi e separacion di e caminda principal, rancando e palo di lus.

Den e auto tawata tin dos homber, camindavun caminda un di nan a keda herida.
Polis a laga e chauffeur supla y despues a bay over na detene pa motibo cu e tawata burachi.
Ambulance a transporta su amigo pa hospitaal.

Esaki ta di dos auto cu ta accidenta pa e weekend aki casi mes un manera ariba e green corridor.
Por a wak atrobe cu e separacion di e caminda ta un motibo di preocupacion, paso facilmente un auto por perde control y yega e otro banda cu tur e consecuencianan.

Leave a Reply

Your email address will not be published. Required fields are marked *

*