Auto ta perde control y ta drenta mondi na Mahuma

Mahuma: Diamars den oranan di mainta ta sosode un accident pariba di airport, mesora ta manda polis y ambulance y materialwagen di brandweer na e sitio. E accident a sosode na e crusada pariba di cura di airport riba e caminda pa bay Buenavista.

Na yegada nan ta bin topa cu un Suzuki Swift pega den mondi y ta bin compronde cu e auto tabata biniendo for di Buenavista y den e bocht e chauffeur a perde control y a bay straight drenta e mondi.

E chauffeur y e ocupante tabata herida, cu ayudo di materialwagen di brandweer a logra saca ambos for di e auto, ta trata di un tata cu su yiu.

Despues cu personal di ambulance a tratanan na e sitio a transportanan pa hospital. Takelwagen a saca e auto for di e mondi.

Leave a Reply

Your email address will not be published. Required fields are marked *

*