Auto ta keda pega den un buraco den un plas di awacero

Cumana: Diasabra den oranan di marduga despues cu un palo di awacero a cay, den cercania di e rotonde nobo, di Avenida E.J. “Watty Vos” diferente plasnan grandi di awa a keda atras.

Den e ultimo dianan aki tin trabounan di construccion andando pa caba cu e rotonde aki y cada rato trafico ta wordo desvia y esaki ta causando confusion cerca e chauffeurnan cu ta haci uso di e caminda aki.

E desviacionnan tin un motibo cu nan ta pone e baricadanan oranje y chauffeurnan mester respeta esaki y no purba pasa memey di nan pa haci e caminda mas cortico.

Esaki a pasa cu e chauffeur di un Toyota Yaris, ela bay pasa unda e no mester a pasa y a kere cu e plas di awa cu ela bay pasa aden no tabata hundo, pero ela equiboca y a cay den un buraco cu no tabata visibel door di e plas di awa y asina a keda mal pega.

Leave a Reply

Your email address will not be published. Required fields are marked *

*