Auto ta hit and run homber di edad na e crusada di Pitastraat cu Datustraat

Pitastraat, Oranjestad: Dialuna algo prome cu 8′ or y mey, na e crusada Pitastraat cu Datustraat, un auto a dal un persona y e chauffeur di e auto a sigui core y no a para pa su responsabilidad.

Mesora polis a yega na e sitio y a topa cu e victima kende ta un homber di edad, e tabata keha dolor na lomba, aparentemente ta trata di un auto blanco Toyota Corolla of un Tercel, cu lo a dal e y a sigui core.

Polis a cera e caminda y personal di ambulance a prepara e victima y despues a transporte pa hospital. Polis ta na e sitio pa haci mas investigacion y pa tuma datos cerca testigonan cu tabata hopi mirando cu tabata tin un fiesta ey dilanti mes.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.