Auto ta hala na su man robes y ta dal den banda contra un bus di Arubus

Rooi Kochi – Diasabra merdia algo prome cu 1’or polis ta bay Rooi Kochi, pa un accidente cu persona herida.
E accidente lo tawata entre un bus di compania Arubus y un Toyota Rav.

Na e sitio nos a compronde cu e Bus tawata bayendo pariba y e Rav bayendo pabou. Pa un of otro motibo e Toyota Rav ta hala na su man robes y dal contra e parti di e bus banda di chauffeur.

E bus tawata tin pasahero e momento ey den dje, cu mester a baha y warda pa polis yega.
Segun nos a compronde cu auto aki esta e Rav, tawata para pa cinco luna y a subi caya diasabra bek.

Ambulance a presenta y a controla e persona herida na e sitio mes.

Leave a Reply

Your email address will not be published. Required fields are marked *

*