Auto luz paga a pasa tira ariba un woontrailer

Ponton – Dialuna anochi algo prome cu 9’or polis patruya di Playa a bay na trailer, situa na Ponton.
Habitante di e trailer cu ta situa di panort di WEMA bay abou, ta bisa polis cu un auto a pasa tira ariba nan.

Segun e habitantenan, un auto desconoci pa nan y tambe luz paga, a pasa y tira ariba e trailer. Esaki a pasa door y bay dal den un frigider.

Agentenan na e sitio a pidi pa departamento di BFTO, pa nan por saca potret y asina un investigacion por cuminsa.

Aparentemente esnan bibando den e trailer aki no tin problema cu ningun hende, lo ta trata di hende grandi.

Leave a Reply

Your email address will not be published. Required fields are marked *

*