Atraconan continuando ariba nos isla, convenience store Shap na Shiribana tawata victima diahuebs marduga

Shirbana
Diahuebs marduga polis ta wordo alerta door di e doño di e convenience store na banda di Subway, cu nan a caba di wordo atraca.
E tienda aki pa añanan largo cu e ta existi y ta habri te mainta, ta prome biaha cu ela wordo atraca.
Di parti vocero suplente Sra.Rasmijn nos a haya e siguiente informacion:
Diahuebs madruga pa 1:22 central di polis ta haya un jamada cu un rato pasa un atraco a tuma lugar na Shap Convenience Store na paradera. Na jegada di e patrouille por a compronde di esnan trahando den e lugar cu 3 hende homber cara tapa y cu un arma di candela a drenta e lugar y a atracanan. Nan a papia bon papiamento y a bay cu full un caha di cigaria , mas e cartera di un di e trahadornan y e benta di e lugar. Loke ta e plaka esey a suma na mas o menos afl 2000,- .
No por a wak si e atracadornan lo a huy na pia of den auto y ni den cuq direcion. Atraco team a presenta y tuma e investigacion over , tambe departamento di slachtofferhulp. Cuerpo Policial ta pidi pa es cu a wak algo of sa algo jama tiplijn di polis cu ta 11141″.
Posibemente lo ta trata di un grupo di local cu ta cometiendo e atraconan aki. E otro dos atraconan cometi ariba Well Done Snack y Ritz Savaneta y esaki, tur tawata atracadornan cu a papia bon papiamento segun autoridad.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.