Atraco riba supermercado Wei Pau den caya Danza

Caya Danza: Diaranson anochi pa 9’or y 40, central di polis ta haya un yamada cu un atraco a caba di tuma lugar na WEI PAU SUPERMARKET den caya danza.

Na yegada di polis, nan ta bin compronde di un señora na e sitio, cu un rato prome dos hoben a drenta den e supermercado, ambos cu un arma di candela y a exigi placa.

Un di atracadornan a hinca man den e caha di plaka y a purba rank’e bai cune. E otro atracador a ranka tas y un cadena for di un señora cu tabata den e negoshi na e momento di e atraco. E atracadornan a huy na pia bay direcion pabou.

E discripcion di e atracadornan ta como lo siguiente; e prome atracador tabata tin un petchi preto, t-shirt blanco y jeans blauw bisti. E otro atracador tabata tin meja preto riba su cabez, t-shirt berde y jeans blauw.

Tur dos ta color di cuero bruin licht y ta papia bon papiamento. Nan a bai cu mas o menos afl 300,- for di e caha di plaka y den e tas tabata tin mas o menos 300 dollar.

Atraco team tin e caso bou investigacion. BFTO y slachtofferhulp tambe a presenta na e sitio pa haci mas investigacion. Cuerpo Policial ta pidi ken cu por a wak algo jama tiplijn 11141.

Leave a Reply

Your email address will not be published. Required fields are marked *

*