Atraco a lanta cabes atrobe, doño di La Granja atraca den su cura di cas

Tanki Leendert – Diadomingo anochi den careda di 10:40 polis ta wordo manda cu urgencia pa un cas situa ariba caminda grandi di Tanki Leendert.
Na yegada nan topa cu e doño di e cas y alavez propietario di e restaurantnan La granja.

Segun ela splica polis ela caba di yega su cas y diripiente dos homber cara tapa ta atrake. Un di nan lo tawata tin un arma di candela den su man.
E dos atracadornan a bay cu saco, keriendo cu e lo ta contene placa, pero a resulta cu esaki no tawata e caso.
Den e saco tawata tin unicamente paña.
Manera cu nan a haya e saco un a sali bay direccion oost y e otro west.
Mes ora ora polisnan a cuminsa move rond, pa wak si lo por topa cu e dos atracadornan cu a papia spaño.

E atraco ta mustra casi mes un manera ehecuta cu esun di diasabra anochi na Noord.
Atraco team a wordo avisa y a presenta algun rato despues.

Leave a Reply

Your email address will not be published. Required fields are marked *

*