Atraco a cuminsa den december, atracador cu cuchiu a drenta luga di number na Ponton

Ponton: Diaranson den careda di 7’or di anochi a tuma lugar un atraco arma riba e bendedora di Lucky Lotto Corner den Caya Ernesto Petronia, Ponton. Un homber un poco bruin y cu tabata papia spaño, a drenta den e lugar di bende number, cu un cuchiu den man ela exigi placa for di e bendedora. E atracador a logra bay cu mas o menos entre 1200 cu 1300 florin. Ela bandona e sitio na pia y a laga hopi placa larga y di papel benta caminda ela core bay. E dama a spanta asina hopi cu ela bira malo, mesora a pidi pa presencia di polis y tambe ambulance. Na yegada di polis, nan a pidi pa presencia di slachtofferhulp y tambe atraco team a wordo poni na altura.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.