Atracadornan arma, ta menasa dos ruman cu morto den luga di loteria na Catiri

Catiri – Diaranson anochi 7’or pasa un atraco arma mas ta keda registra aki na Aruba.
Mes ora cu esaki a bira conoci a manda diferente patruya na Gitano Lottery.

Segun e dos rumannan cu ta traha den e hoki di bende number, un homber full na preto bisti ta drenta e luga cu un tas preto y ora e tawata paden e ta saca un arma di candela for di e tas.

Segun e victimanan cu ta dos ruman, mes ora ela punta e arma ariba nan. Ela bisanan pa baha cara, esta keda wak abou y si nan no hacie nan lo wordo tira.

Despues cu nan a caba di busca y bay cu loke nan mester nan ta sali cera e luga, pa haci cu e luga ta cera. Despues di basta rato y pa motibo di miedo nan no a bati alarma mes ora, door cu nan a wordo menasa cu morto.

Segun nan a bisa e atracadornan aki a papia spaño hopi vlot. Den un auto color scur nan a bandona e sitio, direccion zuid .

Atraco team y slachtofferhulp a wordo pidi pa presenta na e sitio.

Leave a Reply

Your email address will not be published. Required fields are marked *

*