Aruba ta conoco otro morto mas den trafico. Ciclista cu a accidenta diabierna atardi na crusada di Alhambra a fayece.

Oranjestad – Aruba
Aruba ta conoce otro victima mas di trafico.
E ciclista cu a accidenta diabierna atardi a fayece durante oranan di diadomingo marduga.

Diabierna atardi polis a bay crusada di Alhambra pa un accidente cu herida.
Na yegada a constata cu ta trata di un accidente hopi serio.
Ariba e berm a bin topa cu e hoben ciclista di 21 aña yama Chaim Marius Anthony De L’ Isle gravemente herida ariba suela.

Durante cu e tawata haci su ehercisio ela boks frontal cu su bicicleta marca Trek contra un auto. Segun testigo, ela bay basta halto pa despues bin abou y keda benta banda di caminda. Cu urgencia ela wordo hiba hospital, caminda ela keda interna cu golpinan severo.

Cuerpo policial den ora di marduga a confirma fayecimento di e ciclista: “Awe pa 4.37 am dokter Utterbeeck ta constata morto di Chaim Anthony Marius De L’ Isle, Aruba 16 december 1997.
Cuerpo Policial ta extende palabra di condolencia y forsa na e famia”.

 

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.