Aruba den gara duro di criminalidad, den menos di 24 ora, 2 atraco arma

Warawara – Diahuebs merdia bou un solo cayente y briyante otro atraco arma ta tuma luga, e biaha aki ariba un cas humilde di un famia chines.

Prome informacionnan ricibi a papia cu un of mas homber a yega na e adres aki na Warawara y a puntra algo relaciona cu cumpramento di auto.
Dado momento e persona aki ta saca un arma di candela y ta bay paden. Tur esaki a pasa dilanti un of mas ctiatura na e cas.

Señora Rasmijn vocero suplente di cuerpo policial ta duna nos e siguiente relato.

” Awe diahuebs merdia pa 12:02 Central di Polis ta haya un jamada cu un atraco a tuma lugar un rato prome na un cas na Warawara. Patrouille di polis a presenta na e cas di biaha y ta bin compronde cu ta trata di dos hende homber . Un color cla y un color scur. Nan a papia papiamento . Un di nan tabata tin un arma di candela na unda e la pone riba e senjora chines na e cas y a pidie pa plaka. Ta asina cu nan a logra bai cu e cartera di e senjora cu ta tin mas o menos afl 500,- y un iphone. Ta asina cu nan lo mester a hui den un auto color shinishi .
Atraco Team a jega na e sitio pa asina sigi cu e investigashon y tuma e datosnan . Tambe a pidi slachtofferhulp pa asina guia e senjora cu a keda cu un susto.
Ken cu por a wak algo jama tiplijn di polis cu ta 11141″.

Ta papia hopi di prevencion y berdad tin cosnan cu un persona mester evita, door di haci cierto cosnan.
Pero con ta para awor, cu den dia cla y cu un solo cayente ariba nos isla, bo lo NO por tin bo porta di cas mas medio habri pa un poco biento pasa, manera antes ?

Leave a Reply

Your email address will not be published. Required fields are marked *

*