Aruba Airport a cumpra e auto di careda Mustang “nobo nobo” pa team di Ven Eman

Den un comunicado pa prensa cu a sali den prensa international,  (Click AKI pa lesa e comunicado international) e informe a sali cu “Team Aruba” di Ven y Mike Eman a estrena y test nan auto di careda nobo nobo di anja 2019.   E chofer di e auto Trevor Eman tabata na Merca pa asina tuma e auto y tambe haci algun test cu e auto.

E comunicado ta indica cu Aruba Airport Authority ( TRIPPLE A) lo ta e instancia cu a cumpra e auto aki por medio di un sponser cu a duna na e team aki.

Pues por bin constata cu finalmente Sr. Ven Eman y Mike Eman cu no por a logra e compra aki via di ATA, a logra convence Airport pa contra vision y deseo di Gobierno, pa toch cumpra e auto aki via sponser.

Como recompensa, e slogan di Airport “Reina Beatrix” ta gesticker riba e auto.

E hecho cu Gobierno y NV’nan di Gobierno ta sponser e auto aki, tin pueblo basta desgusta, pasobra ta parce comosifuera cu fiesta no tin fin di caba y cu estando den oposicion ta keda controla tur NV’s di Gobierno, manera den e caso aki, unda atrobe ta duna un sponser pa cumpra un Mustang nobo nobo, siendo pais mes ta den crisis.

Hopi ta puntra nan mes!   Ta cu e conflicto di interes y integridad aki SCHIPHOL GROUP ta run nos airport?  Unda nan ta permiti Mike Eman infiltra den e maneho di airport pa saca placa pa cumpra un auto di careda nobo pa su ruman?    Na final di dia ta SCHIPHOL GROUP ta maneha airport y por mira cu e compra di auto aki ta pa complaciencia.   No ta un contraste mucho simpatico awor cu nos pais ta den crisis heffing.

Riba google, por haya e comunicado aki cu a bay pa prensa international.  Pa lese completo por click AKI.          Ta parce cu ningun instancia ta “give a damn” cu tin un Gobierno nobo y parce cu Schiphol Group sigur lo ta un di nan cu no ta “give a damn”!

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.