Antisocialnan a comete destruccion grandi den santana na Zeewijk

Zeewijk – Diabierna mainta algo prome cu 9’or patruya di San Nicolas a bay santana na Zeewijk.
Manera ta custumber, esnan encarga cu Santana a yega mainta y mes ora a cuminsa mira cu algo no ta bon.

E cruz mey mey di e Santana tawata kibra y por a wak cu ta un biga grandi a wordo usa pa kibra esaki. Y sigur lo no ta un persona so.
Asina nos a haya por bisa un tour, unda tur e keldernan y grafnan cu a wordo vandalisa.

” Prome caminda cu ma core bay wak ta unda e muchanan ta dera”, asina e persona encarga cu santana a bisa nos. Danki Dios nada no a pasa eynan.

A puntra si grafnan kibra lo tin link cu otro, e la bisa nos cu no ta mustra. Pa motibo cu e famnan tur ta diferente.
Loke nos a ripara tawata manera cu “nan” a drenta y tawata cana bay links y rechts kibra loke nan tawata kier.

Nos ta papia di dilanti te patras y esey ta loke nan por a constata, e momento cu nos tawata presente ainda nan tawata haya grafnan kibra.

Departamento tecnico (bfto) a presenta y saca varios potret tambe di e susedido.

Via di noticia esnan encarga cu e Santana ta spera di haya contacto cu famianan, pa nan pasa wak si nan propiedad a sufri daƱo.
Marmernan cu a wordo kibra no ta barata y tin famia cu lo no tin e manera pa drecha bek unda nan ser stima ta sosega.

Pakiko ela wordo haci lo keda e pregunta. Sigur no ta trata di un persona so.
Esnan cu por tin cualkier tip, ta bon pa avisa polis na nan tiplijn 11141.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.