Adicto seriamente herida, despues cu auto a dale den Caya Ernesto Petronia

Caya Ernesto Petronia, Oranjestad: Diadomingo algo pasa di 9’or y15 di anochi, polis ta wordo manda cu urgencia un poco panort di Topcar, pa motibo cu un auto a dal un peaton.

Na yegada nan ta bin topa cu e adicto ambulante mihor conoci como Italiano, e tabata  herida, cu kap hundo na cabes y su pia robes seriamente fractura. E victima tabata na tino y tabata keha di hopi dolor.

E chauffeur di un Kia Rio Berde tabata bayendo direccion nort y a dal e Italiano, e italiano tabata tin un garoshi di Supermercado cune y e garoshi a bay dal contra un auto cu tabata biniendo di direccion contrario.

Personal di ambulance hopi liher a prepara e victima y cu urgencia a transporte pa hospital.

E caminda di Caya Ernesto Petronia a keda pa basta rato cera, pa specialista di trafico haci mas investigacion.

E chauffeur di e Kia Rio, despues di a haci test di alcohol na e sitio a wordo hiba warda di polis Noord, pa mas investigacion, despues cu departamento di trafico a caba na e sitio, nan a bay warda di polis noord pa atende cu e chauffeur di e Kia Rio.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.