Accidente serio na Rooi Bosal, tres persona a resulta herida

Rooi Bosal

Diadomingo mainta un accidente frontal basta serio ta sucede na Rooi Bosal, na altura di e brug.

Esaki tabata den careda di 8’or di mainta, mes ora ambulance y polis a sali pa e sitio.

Na yegada ta constata cu tin tres persona herida, cual dos ta den e Chevrolet Aveo y e otro den e station wagon.

Segun nos a compronde na e sitio, e Chevrolet Aveo cu ta un v-car a hala na su man robes y ta dal frontal contra e station wagon biniendo di zuid.

Brandweer tambe a ser pidi na e sitio, pa asina saca e personanan herida.

Chauffeur di e v-car a kibra su kaak y tabata tin un corta serio na lip, mientras e pasahero a kibra su pia.

Chauffeur di e staion wagen tambe a fractura su pia y segun nos por a compronde na e sitio e lo tin sla interno.

Tur e heridonan a wordo transporta pa Hospitaal.

acc-rooi-bosal-6 acc-rooi-bosal-4 acc-rooi-bosal-5 acc-rooi-bosal-3 acc-rooi-bosal-2 acc-rooi-bosal-1

Leave a Reply

Your email address will not be published. Required fields are marked *

*