Accidente serio na Camacuri, caminda un chauffeur a keda seriamente herida. Daño material ta grandi

Camacuri – Diamars marduga den careda di 4’or pasa polis y otro unidadnan di rescate a sali pa un accidente serio, dilanti di Aruba Bank na Camacuri.

Segun nan ta yegando mas informacion a keda drenta, indicando cu ta trata di un accidente frontal, caminda lo tin hende pega.

Na yegada di tur e unidadnan, ta wak cu berdad tin hopi daño material pero esnan envolvi no tawata pega

Ta trata di un auto Toyota y un Honda, caminda cu segun informacion na e sitio di incidente tawata papia cu e Honda lo tawata bin cu velocidad halto y probablemente a cuminsa zwaai ariba caminda, cu consecuencia cu ela bay dal contra e Toyota.

Ambos ocupante a bay hospitaal pa tratamento, caminda cu un di nan su situacion ta serio. Loke ta trata e autonan, ambos ta total los.

Leave a Reply

Your email address will not be published. Required fields are marked *

*